en mollado, secos

Fotos: Guilin - Santiago - Hong Kong

S. POSTAL Santiago

Nas fotos, empregados dos Servizos Postais de Compostela opostos a privatización da empresa.

Peixes e Mariscos I - de Muros, Aguiño e o Ulla

GHRELOS ...

" ¿QUERE GHRELOS ou VERDURAS? "

" Sonlle da Preghrina
por catro cadelas a manchea "

Eran as vendedoras de legumes a domicilio que anunciaban cantando a súa mercaduría, con entrañable musiquiña, estimulante e inconfundible. Era nas primeiras horas da mañá do inverno, cando percorrían as rúas de Compostela, aló pola miña infancia. Polo Nadal, co ponto na escola, servíannos a miudo como despertador.

Xa non vocean para vender. Xa non venden a domicilio. Xa non son a vinte céntimos de peseta senón a dous euros.

Pro, ahí están. Continúan vendendo os ghrelos a mancheas. E nabizas, xenos, bertóns, repolos ou colflor, cebolas, allos, tomates, leituga, patacas, cenouras, porros, nabos, perixel (salsa) ...
Na Praza de Abastos de Santiago.

E os ghrelos, seguen a estar de morrer.
.

COMPOSTELA de perto

.

HABANA EXPRESO, HAIGA...

Fotografías de:
Virgilio Viéitez Bértolo (Forcarey 1930 - 2008)

fotógrafo galego, nacido en Soutelo de Montes, no concello pontevedrés de Forcarey en 1930.
...

¿Ou non?

Estaba alí o 'haiga', trouxo-o él, recén chegado da Habana, con rodas de borracha, chamaballe 'carro', ainda que os eixos non rolaban, cavalos en vez de bois e chave por aguillada.

Visto e non visto, estaba de volta na Habana, co 'carro'.

Por aló continúa ainda, seica. O 'carro'.

Dixeronlle-lo uns veciños que foron co párroco a pasar uma semana nas praias de Varadero, e que están seguros de telo visto pola Rampa do Vedado da Habana, unda Copelia, cun cartel que poñía: "Taxi".

Ao chofer non o recoñeceron. Do carro ninguén se esquecíu nunca mais na aldea.

Pro, a ela, deixoulle só o picariño, e a foto que lles fixo Virxilio aos dous co can, diante do 'carro' e da cabaseira, con uma dedicatoria moi cariñosa, a lápis, que se borrou co tempo, e que dicía:

( xa non se lembra, prometeu dicermo en canto lle veña a memoria )

.
A festa, con toda a familia, estaba xustificada

.

" A FAMILIA "

.